SABAH ali təhsildə tədrisin keyfiyyətinin yüksəldilməsi, ali təhsil sistemində yeni və fərqli bir mühitin yaradılması, savadlı, bacarıqlı və hazırlıqlı tələbə yetişdirilməsi, əmək bazarının artan tələblərinə müvafiq olaraq kadr hazırlığının təmin edilməsi məqsədilə 2014-cü ildə yaradılmışdır.
SABAH qruplarına Azərbaycan Respublikası Elm vəTəhsil Nazirliyinin tabeliyində olan ali təhsil müəssisələrində müəyyən edilmiş ixtisaslar üzrə əyani formada təhsil alan, birinci tədris ilinin I semestrinin nəticələrinə görə akademik borcu olmayan və orta müvəffəqiyyət göstəricisi (ÜOMG) 61-dən aşağı olmayan Azərbaycan Respublikası vətəndaşları müraciət edə bilər.
UNEC-in SABAH mərkəzi üzrə Kommersiya ixtisasının Elektron kommersiya ixtisaslaşmasına qəbul DİM-in keçirdiyi müsabiqə və müsahibə yolu ilə aparılır. Qeyd olunan ixtisas və ixtisaslaşma Azərbaycan Dövlət İqtisad Universitetində 2021-ci ildən tədris edilir. Elektron kommersiya ixtisasında tədris ingilis və azərbaycan dillərində həyata keçirilir. Mühazirə saatları peşəkar müəllim heyəti və xaricdən dəvət olunmuş qonaq professorlar vasitəsilə tədris edilir. Hazırda Elektron kommersiya ixtisasında 230 magistr təhsil alır.
