Muradov Rəşad Hüseyn oğlu 29 Aprel 1977-ci ildə Bakı şəhərində anadan olub.
1984-cü ildə Bakı şəhəri 100 nömrəli orta məktəbə daxil olub, 1994-cü ildə həmin məktəbi bitirib.
1994-1999-cu illərdə “Naxçıvan” universitetinin “İqtisadiyyatın hüquqi tənzimlənməsi” ixtisasını bitirib.
2002-2004-cü illərdə Azərbaycan Respublikası Prezidenti yanında Dövlət İdarəçilik Akademiyasının “Dövlət və bələdiyyə idarəçiliyi” ixtisasını bitirib.
2008-ci ildə AR Prezidenti yanında DİA-nın dissertanturasına qəbul olub. 2016-cı ildə namizədlik dissertasiyasını müdafiə edərk, AAK-nın 13 sentyabr 2017-ci il tarixli qərarı ilə iqtisad üzrə fəlsəfə doktoru elmi dərəcəsinə layiq görülüb.
2000-ci ildən Əmək və Əhalinin Sosial Müdafiəsi Nazirliyinin Dövlət Əmək Müfəttişliyində əmək müfəttişi vəzifəsində əmək fəaliyyətinə başlayıb.
2004-2007-ci illər ərzində Əmək və Əhalinin Sosial Müdafiəsi Nazirliyinin Dövlət Əmək Müfəttişliyində baş əmək müfəttişi vəzifəsində çalışıb (ixtisas dərəcəsi: 3-cü dərəcəli dövlət qulluqçusu). 2007-2014-cü il tarixlərində Dövlət İdarəçilik Akademiyasının “Rəhbər kadrlar ixtisasının artırılması” fakültəsinin istehsalat təcrübəsinin rəhbəri, “Dövlət idarəetməsi və menecment” kafedrasının müəllimi kimi fəaliyyət göstərib.
Azərbaycan Dövlət İqtisad Universitetinin “Menecment” kafedrasının (0.5 ştat) baş müəllimi olub.
20.04.2022-ci il tarixdən həmin kafedranın 0,5 ştat əvəzçiliklə dosenti vəzifəsinə keçirilib.
2014-cü ildən 2015-ci ilin fevral ayınadək Azərbaycan Dövlət İqtisad Universiteti rektorunun köməkçisi vəzifəsində işləyib.
2015-ci ilin fevral ayından Azərbaycan Dövlət İqtisad Universitetinin Ümumi şöbəsinin müdiri vəzifəsinə təyin edilib.
2023-cü ilin oktyabrından UNEC-in Daxili audit şöbəsinin müdiridir.
Əmək fəaliyyəti dövründə müəssisə rəhbəri tərəfindən çoxlu sayda "Fəxri Fərman", "Təşəkkürnamə" və digər mükafatlara layiq görülüb. AR Təhsil Nazirinin 08.01.2021-cui il tarixli əmri ilə Azərbaycan Respublikası qabaqcıl təhsil işçisi" döş nişanı ilə təltif edilmişdir.
